THELESINUS

THELESINUS

vir quidam, quem turpi quaestu divitem factum ridet Martial. l. 6. Epigr. 50.

Quum coleret puros pauper Thelesinus amicos,

Errabat gelidâ sordidus in tegulâ:

Obscenos postquam coepit curare cinaedos,

Argentum, mensas, praedia solus emit.

Fuit etiam Thelesinus poeta, de quo, et ad quem Iuvenal. Sat. 7. v. 25.

——— ——— Quae

Componis, dona Veneris, Thelesina, marito.

Item Anglus, alias Teliesinus Helius, scripsit A. c. 540. historiam Arthuri, Praedictiones, Poêmata, etc. Item Theliaeus. Eliud, episcopus Anglus. A. c. 563. sctipsit varia. Pitseus de Angl. Scriptor. Nic. Lloyd.